Qaar ka mid ah Beeraleyda Degmada Xuddur oo billaabay waji cusub oo lagu tayeynayo dalagga.

0
12

Beeraleyda Degmada Xuddur ee Gobolka Bakool ayaa ku howlan in ay beddelaan noocyada dalagyadii ay horay u dhigan jireen ka dib markii ay caqabado kala kulmeen dhanka cimillada iyo cayayaanno kala duwan.

Aadan Axmed Maxamuud, oo ka mid yahay Beeralayda Degmada Xuddur ayaa warbaahinta Qaranka u sheegay in uu isbedel ku sameeyey dalagyadii uu Beeran jiray oo dhibaatooyin badan kala kulmay.

Aadan ayaa sheegay in ay markii hore Beeran jireen dalagyo ay ka mid yihiin Maseggada, Galleyda iyo Digirta, haattanna uu iska daayay markii uu hoos u dhac ku yimid wax soo saarkoodi, taas oo uu ku sababeeyay abaaro soo noq-noqday, cudurro aan dawo loo hayn, Ayax iyo cayayaanno kale.

Waxaa uu sheegay Aaden in dedaalkooda ku aaddan tacbashada dalagyadii hore ee lagu qasaaray haatan loogu faa’iideysan karo dhigashada Qaraha iyo dhir miroodka kale, kuwaas oo markii hore ugu iman jiray Gobolka Hiiraan.

Beeraleyda Degmada Xuddur ee Gobolka Bakool ayaa iminka wada qorshe isku tashi ah oo ay ku tacbanayaan dalagyada kala duwan oo ay ugu horreeyaan Qudaarta iyo Geed miroodka kale.

Beeraleyda Gobolka Bakool oo %90 ku tiirsanaa Xoolo dhaqashada iyo Beerashada Maseggada, ayaa sheegay in ay ka go’an tahay inay si walba ugu faa’iideystaan Dhulka, waxanay wasaaradda Beeraha ee Koofur galbeed iyo federaalkuba ka codsadeen in ay ka caawiyaan tacbashada dalagyada kala duwan si ay ugu kaaftoomaan gacan hoorsi shisheeye.

LEAVE A REPLY

Please enter your comment!
Please enter your name here